Wat is Lydenstyd?
Lydenstyd, wat soms ook as die “veertig dae”-tydperk bekend is, vorm een van die belangrikste seisoene in die Christelike kalender. Dit is tyd van selfondersoek en verootmoediging en word in baie kerke gekoppel aan ’n tyd van vas of onthouding. Dit is tradisioneel die tydperk van hernuwing sowel as van kategetiese afronding. Die tydperk bied aan Christene geleentheid om na te dink oor die Here se lyding ter wille van ons sondes. Al hierdie motiewe staan egter in diens van die sentrale motief, naamlik voorbereiding vir Pase, die fees van Jesus se opstanding. Lydenstyd begin op As-Woensdag 22 Februarie 2012.
Lees Meer.
| 
Op Sondag 15 Januarie het die kategese groepe vir die eerste keer hierdie jaar bymekaar gekom en ons sien uit na ‘n jaar waar ons meer leer oor die Woord van God, Sy liefde vir ons en ons antwoord op Sy liefde. Soos in die verlede maak ons gebruik van verskillende handleidings vir die kleuterkerk, junior- en senior kategese, sowel as die Belydenisklas. Ons is veral opgewonde oor ‘n nuwe toevoeging tot hierdie reeks handleidings, naamlik “Faceboek – Vriende van God”. Dit is gerig op tieners en sal gebruik word by die senior kategese. Hier is die goeie nuus: die kerkraad voorsien gratis ‘n boek aan elke tiener in die senior kategese!
